ye wahi aag hai

sar-ba-sar phailtī

jism se ruuh tak

vahshatoñ kī fazā meñ sulagtī huī

mujh meñ jaltī huī ye 'ajab aag hai

vahshatoñ kī fazā

jis kī āġhosh meñ

dil bhī ḳhud-soz hai

bas tazabzub kā 'ālam shab-o-roz hai

ik taraf āgahī kī hasīñ kahkashāñ

ik taraf shā'irī kā paristān hai

ik nazar meñ agar hai jahān-e-yaqīñ

ik nazar meñ taḳhayyul kā imkān hai

aur is be-qarārī ke māhaul meñ

ek turfa-tamāsha hai kār-e-jahāñ

zindagī in 'anāsir ke sanjog se sho'la-zan

ek ātish-kada

jo bhaḌaktā hai rūh-o-badan ke ta'alluq kī takrār se

ehtimām-e-hunar kī rukāvaT meñ aate farā.iz ke ambār se

kashmakash hai jo mābain-e-‘ilm-o-'amal

sho'lagī se uThī thī ba-roz-e-azal

ye vahī aag hai

ye vahī aag hai

roz-o-shab jis meñ rāshid ke afkār jalte rahe

aur taḳhayyul kī tajsīm karte rahe

faiz kā dil sulagtā rahā hai isī aag meñ

kitne taḳhlīq-kāroñ ke fan kā karishma yahī aag thī

ye vahī aag hai

bām-e-idrāk par

jis ne raushan kiye

āgahī ke diye

jo kabhī dil ke mā'bad meñ qarnoñ ujāle kā mamba' rahī

jis se shauq-e-junūñ ko harārat milī

jis kī hiddat se ehsās kundan banā

sar-ba-sar phailti

jism se ruh tak

wahshaton ki faza mein sulagti hui

mujh mein jalti hui ye 'ajab aag hai

wahshaton ki faza

jis ki aaghosh mein

dil bhi KHud-soz hai

bas tazabzub ka 'alam shab-o-roz hai

ek taraf aagahi ki hasin kahkashan

ek taraf sha'iri ka paristan hai

ek nazar mein agar hai jahan-e-yaqin

ek nazar mein taKHayyul ka imkan hai

aur is be-qarari ke mahaul mein

ek turfa-tamasha hai kar-e-jahan

zindagi in 'anasir ke sanjog se sho'la-zan

ek aatish-kada

jo bhaDakta hai ruh-o-badan ke ta'alluq ki takrar se

ehtimam-e-hunar ki rukawaT mein aate faraiz ke ambar se

kashmakash hai jo mabain-e-‘ilm-o-'amal

sho'lagi se uThi thi ba-roz-e-azal

ye wahi aag hai

ye wahi aag hai

roz-o-shab jis mein rashid ke afkar jalte rahe

aur taKHayyul ki tajsim karte rahe

faiz ka dil sulagta raha hai isi aag mein

kitne taKHliq-karon ke fan ka karishma yahi aag thi

ye wahi aag hai

baam-e-idrak par

jis ne raushan kiye

aagahi ke diye

jo kabhi dil ke ma'bad mein qarnon ujale ka mamba' rahi

jis se shauq-e-junun ko hararat mili

jis ki hiddat se ehsas kundan bana