aur

tumheñ maiñ aur samjhā thā

tumheñ dil meñ basāyā thā

tumhārī baat maanī thī

tumheñ siine lagāyā thā

tumhāre dard paale the

magar tum ko hañsāyā thā

tumhārī be-tukī bātoñ pe

ghanToñ muskurāyā thā

tumhārī laaj rakkhī thī

tumheñ sar pe biThāyā thā

tumheñ tanhā samajh ke maiñ

ne apnā haath baḳhshā thā

mujhe duniyā mayassar thī

magar maiñ tum pe Thahrā thā

mujhe phir tum ne batlāyā

ki tum to aur hī kuchh ho

maiñ tum ko aur samjhā thā

maiñ samjhā thā ki samjhoge

mirī chāhat ke afsāne

magar tum sarsarī nikle

mujhe afsos hai yaarā

ki tum bhī aur hī nikle

tumhein main aur samjha tha

tumhein dil mein basaya tha

tumhaari baat mani thi

tumhein sine lagaya tha

tumhaare dard pale the

magar tum ko hansaya tha

tumhaari be-tuki baaton pe

ghanTon muskuraya tha

tumhaari laj rakkhi thi

tumhein sar pe biThaya tha

tumhein tanha samajh ke main

ne apna hath baKHsha tha

mujhe duniya mayassar thi

magar main tum pe Thahra tha

mujhe phir tum ne batlaya

ki tum to aur hi kuchh ho

main tum ko aur samjha tha

main samjha tha ki samjhoge

meri chahat ke afsane

magar tum sarsari nikle

mujhe afsos hai yara

ki tum bhi aur hi nikle