autar
pujāran ne ik but banāyā
use man ke mandir meñ lā kar sajāyā
use apnā ek ek dukhḌā sunāyā
pujāran ne āshāoñ ke kitne ḳhāke banā.e miTā.e
sulagtī huī shaam se phūTtī sub.h tak kitne dīpak jalā.e bujhā.e
pujāran ne puujā kī jitnī bhī rasmeñ thiiñ saarī adā kiiñ
pujāran ke siine maiñ jitnī tamannā.eñ thiiñ aartī meñ sajā diiñ
ki shāyad but-e-sang us kā ḳhudā muskurā de
use zer-e-lab yuuñ sadā de
na ro mere pahlū meñ aa mujh meñ tahlīl ho jā
ki maiñ terī taḳhlīq huuñ terā shahkār huuñ
tū mirī ruuh hai aur maiñ terā autār huuñ
magar koī naġhma na phūTā
ki vo devtā tūda-e-sang thā us ke siine meñ patthar kā dil thā
pujāran ne apne hī shahkār kā sar qalam kar diyā
har taraf ḳhuun bikhrā huā thā
sadā aa rahī thī
na ro mere pahlū meñ aa mujh meñ tahlīl ho jā
ki maiñ terī taḳhlīq huuñ terā shahkār huuñ
tū mirī ruuh hai aur maiñ terā autār huuñ
pujaran ne ek but banaya
use man ke mandir mein la kar sajaya
use apna ek ek dukhDa sunaya
pujaran ne aashaon ke kitne KHake banae miTae
sulagti hui sham se phuTti subh tak kitne dipak jalae bujhae
pujaran ne puja ki jitni bhi rasmen thin sari ada kin
pujaran ke sine main jitni tamannaen thin aarti mein saja din
ki shayad but-e-sang us ka KHuda muskura de
use zer-e-lab yun sada de
na ro mere pahlu mein aa mujh mein tahlil ho ja
ki main teri taKHliq hun tera shahkar hun
tu meri ruh hai aur main tera autar hun
magar koi naghma na phuTa
ki wo dewta tuda-e-sang tha us ke sine mein patthar ka dil tha
pujaran ne apne hi shahkar ka sar qalam kar diya
har taraf KHun bikhra hua tha
sada aa rahi thi
na ro mere pahlu mein aa mujh mein tahlil ho ja
ki main teri taKHliq hun tera shahkar hun
tu meri ruh hai aur main tera autar hun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
