bulandi
bagūle kī mānind
aur pech-dar-pech
raqsāñ, pur-afshāñ
bulandī kī jānib
bulandī jo hadd-e-nazar hai
bulandī jo nā-mo'tabar hai
muqaddar ye dhartī
ye dhartī ki jis kī kashish khīñch lā.egī
raqsāñ pur-afshāñ bagūle kī mānind aur pech-dar-pech
ūñchī bahut ūñchī uḌtī huī har talab ko
ki dhartī se jo bhī uḌā hai
palaT kar isī par girā hai
ye dhartī hī apnā muqaddar hai
dhartī hī āġhāz hai aur dhartī hī apnī ḳhabar hai
bulandī jo hadd-e-nazar hai
bulandī jo nā-mo'tabar hai
fareb-e-nazar hai
bagule ki manind
aur pech-dar-pech
raqsan, pur-afshan
bulandi ki jaanib
bulandi jo hadd-e-nazar hai
bulandi jo na-mo'tabar hai
muqaddar ye dharti
ye dharti ki jis ki kashish khinch laegi
raqsan pur-afshan bagule ki manind aur pech-dar-pech
unchi bahut unchi uDti hui har talab ko
ki dharti se jo bhi uDa hai
palaT kar isi par gira hai
ye dharti hi apna muqaddar hai
dharti hi aaghaz hai aur dharti hi apni KHabar hai
bulandi jo hadd-e-nazar hai
bulandi jo na-mo'tabar hai
fareb-e-nazar hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
