lalak
udaas peḌoñ kī zard shāḳheñ pukārtī haiñ
koī to aa.e jo rang-o-bū kī bahār laa.e
ujaaḌ chehroñ pe sabzagī kā yaqīn rakkhe
alam-ḳhirāmī pe zindagānī kā rang oḌhe
burīdagī aur fasurdagī ko tamām kar de
ye tāb-e-sub.h-e-ḳhizāñ jo āñkhoñ ko chubh rahī hai
havās-gāhoñ meñ khub rahī hai
is ek tāb-e-ḳhizāñ-rasīda ko shaam kar de
fasurdagī aur zardagī ko harām kar de
koī udāsī ke kuuch kā intizām kar de
udaas peḌoñ kī zard shāḳheñ pukārtī haiñ
udas peDon ki zard shaKHen pukarti hain
koi to aae jo rang-o-bu ki bahaar lae
ujaD chehron pe sabzagi ka yaqin rakkhe
alam-KHirami pe zindagani ka rang oDhe
buridagi aur fasurdagi ko tamam kar de
ye tab-e-subh-e-KHizan jo aankhon ko chubh rahi hai
hawas-gahon mein khub rahi hai
is ek tab-e-KHizan-rasida ko sham kar de
fasurdagi aur zardagi ko haram kar de
koi udasi ke kuch ka intizam kar de
udas peDon ki zard shaKHen pukarti hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
