bachcha mazdur

maiñ huuñ ik bachcha mazdūr

bachpan se huuñ kosoñ duur

sub.h se kaam pe jaatā huuñ

shaam ko vāpas aatā huuñ

maiñ bhī paḌhnā chāhtā huuñ

aage baḌhnā chāhtā huuñ

khel kuud ko vaqt nahīñ

kyā jī maiñ bad-baḳht nahīñ

chāhtā huuñ ġhubbāre luuñ

ham-sin yāroñ se khelūñ

lekin kyā kar saktā huuñ

din bhar kaam pe rahtā huuñ

kis se dil kī baat kahūñ

kab tak maiñ ḳhud pe ro.uuñ

hālat se majbūr huuñ maiñ

aur bachcha mazdūr huuñ maiñ

kaash koī mujh ko samjhe

mujh se na bachpan chhīne

main hun ek bachcha mazdur

bachpan se hun koson dur

subh se kaam pe jata hun

sham ko wapas aata hun

main bhi paDhna chahta hun

aage baDhna chahta hun

khel kud ko waqt nahin

kya ji main bad-baKHt nahin

chahta hun ghubbare lun

ham-sin yaron se khelun

lekin kya kar sakta hun

din bhar kaam pe rahta hun

kis se dil ki baat kahun

kab tak main KHud pe roun

haalat se majbur hun main

aur bachcha mazdur hun main

kash koi mujh ko samjhe

mujh se na bachpan chhine