aurat nama

kis kī aarzū thī maiñ

kis kī ho ga.ī huuñ maiñ

ki ḳhud ko bhī nahīñ miltī

kahīñ to kho ga.ī huuñ maiñ

yahī thī chāhtī kahnā

kuchh aur hī kah ga.ī huuñ maiñ

farā.ez tere parche meñ

saf-e-avval rahī huuñ maiñ

rahīn-e-āshiqī huuñ maiñ

musalsal TukḌoñ meñ jī kar

musalsal mar rahī huuñ maiñ

hai sab se ittifāq apnā

ki ḳhud se laḌ rahī huuñ maiñ

ye izzat bojh hai shāyad

jahāñ par dab ga.ī huuñ maiñ

har ik shab jāgte guzrī

ki sone kab ga.ī huuñ maiñ

sadā tahzīb bhī huuñ maiñ

sadā tahrīk bhī huuñ maiñ

kabhī tū ġhaur to kar le

kahīñ tafrīq bhī huuñ maiñ

kabhī bezār bhī huuñ maiñ

kabhī ġham-ḳhvār bhī huuñ maiñ

agar kuchh vaqt paḌ jaa.e

suno talvār bhī huuñ maiñ

khaḌī hai jo ki tūfāñ meñ

vahī chaTTān bhī huuñ maiñ

mukammal ek nāzuk sā

koī gul-dān bhī huuñ maiñ

ai ibn-e-ādam-e-dāvar

Khayāl-e-bint-e-havvā kar

kis ki aarzu thi main

kis ki ho gai hun main

ki KHud ko bhi nahin milti

kahin to kho gai hun main

yahi thi chahti kahna

kuchh aur hi kah gai hun main

faraez tere parche mein

saf-e-awwal rahi hun main

rahin-e-ashiqi hun main

musalsal TukDon mein ji kar

musalsal mar rahi hun main

hai sab se ittifaq apna

ki KHud se laD rahi hun main

ye izzat bojh hai shayad

jahan par dab gai hun main

har ek shab jagte guzri

ki sone kab gai hun main

sada tahzib bhi hun main

sada tahrik bhi hun main

kabhi tu ghaur to kar le

kahin tafriq bhi hun main

kabhi bezar bhi hun main

kabhi gham-KHwar bhi hun main

agar kuchh waqt paD jae

suno talwar bhi hun main

khaDi hai jo ki tufan mein

wahi chaTTan bhi hun main

mukammal ek nazuk sa

koi gul-dan bhi hun main

ai ibn-e-adam-e-dawar

Khayal-e-bint-e-hawwa kar