Tipu sultan

har nafas hai imtihān-e-ārzū

fikr-e-fardā hai nishān-e-ārzū

garche dil-kash hai jahān-e-rang-o-bū

ḳhūñ-chakāñ hai dāstān-e-ārzū

be-niyāzī sheva-e-sherān-e-nar

aur duniyā nīstān-e-ārzū

hurriyat se hai davām-e-zindagī

bandagī dām-e-jahān-e-ārzū

nang-e-dīñ nang-e-vatan ban kar rahe

jo hue yaañ bandagān-e-ārzū

mard-e-momin hai talab se māvarā

bāz--dār-o-qahrmān-e-ārzū

sher-e-maidāñ vāris-e-jazb-e-hasīn

pāk-bāz-o-rāz-dān-e-ārzū

mauj-e-ḳhūn-e-‘āshiqān-e-nek-rū

yā'nī zeb-e-gulsitān-e-ārzū

har nafas hai imtihan-e-arzu

fikr-e-farda hai nishan-e-arzu

garche dil-kash hai jahan-e-rang-o-bu

KHun-chakan hai dastan-e-arzu

be-niyazi shewa-e-sheran-e-nar

aur duniya nistan-e-arzu

hurriyat se hai dawam-e-zindagi

bandagi dam-e-jahan-e-arzu

nang-e-din nang-e-watan ban kar rahe

jo hue yan bandagan-e-arzu

mard-e-momin hai talab se mawara

baz--dar-o-qahrman-e-arzu

sher-e-maidan waris-e-jazb-e-hasin

pak-baz-o-raaz-dan-e-arzu

mauj-e-KHun-e-‘ashiqan-e-nek-ru

ya'ni zeb-e-gulsitan-e-arzu