pashemani
sochā thā
kuchh bhī ho
kuchh bhī hotā rahe
koī tarse
koī dil ġhamoñ kī tapish meñ sulagtā rahe
koī nam aañkh
sūkhe hue hoñT hasrat kā kaasa liye
bādaloñ ko take
koī lāġhar badan pairahan ke phaTe tāroñ se jhāñktī haDDiyāñ
sardiyoñ kī ThiThurtī huī raat
fōtpath par kaaT de
kuchh bhī ho kuchh bhī hotā rahe
ham se in sab kā kyā vāsta
ham hañseñ
bijliyāñ chāhe is shahr ke ghar ke ghar phūñk deñ
rāste har sahar ek kuchlī huī nā'sh kā ḳhuun chāTā kareñ
ham hañseñ
ḳhush raheñ
ham se in sab kā kyā vāsta
aaj hañsne kī nākām koshish meñ ye
yak-ba-yak kyā huā
koī mujh se mirā apnā-pan chhīn kar le gayā
log kahte haiñ is qatl meñ
merā hī haath thā
socha tha
kuchh bhi ho
kuchh bhi hota rahe
koi tarse
koi dil ghamon ki tapish mein sulagta rahe
koi nam aankh
sukhe hue honT hasrat ka kasa liye
baadalon ko take
koi laghar badan pairahan ke phaTe taron se jhankti haDDiyan
sardiyon ki ThiThurti hui raat
footpath par kaT de
kuchh bhi ho kuchh bhi hota rahe
hum se in sab ka kya wasta
hum hansen
bijliyan chahe is shahr ke ghar ke ghar phunk den
raste har sahar ek kuchli hui na'sh ka KHun chaTa karen
hum hansen
KHush rahen
hum se in sab ka kya wasta
aaj hansne ki nakaam koshish mein ye
yak-ba-yak kya hua
koi mujh se mera apna-pan chhin kar le gaya
log kahte hain is qatl mein
mera hi hath tha
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
