abhi tak teri talash mein hun
abhī tak terī talāsh meñ huuñ
hālāñki mujhe mā'lūm hai
ki ab zamīn ke kisī rāste par
terā saaya nahīñ girtā
ki ab kisī moḌ par
terī hañsī merā naam nahīñ letī
phir bhī
har ajnabī chehre meñ
terī āñkheñ DhūñDh letā huuñ
har ḳhāmoshī meñ
terī āvāz sunñe kī koshish kartā huuñ
aur har raat
niiñd ke darvāze par
terā naam rakh kar dastak detā huuñ
abhī tak terī talāsh meñ huuñ
qabroñ ke us paar
ḳhvāboñ kī dhund meñ
yādoñ ke un kamroñ meñ
jahāñ vaqt ruk sā gayā hai
aur tū ab bhī vahīñ baiThī hai
jaise kabhī ga.ī hī na ho
log kahte haiñ
marne vaale lauT kar nahīñ aate
magar vo nahīñ jānte
ki kuchh log
jism chhoḌ jaate haiñ
magar ruuh
kisī ke dil meñ
hamesha zinda rahtī hai
maiñ tujhe DhūñDtā huuñ
us havā meñ
jo achānak dil ko chhū jaa.e
us aañsū meñ
jo binā vaj.h bah nikle
us du'ā meñ
jo zabān tak aa.e
aur mukammal hone se pahle TuuT jaa.e
abhī tak terī talāsh meñ huuñ
kyūñki tū mere maazī kā qissa nahīñ
tū mere haal kī kamī hai
aur mere mustaqbil kī vo ḳhāmoshī
jis kā koī mutabādil nahīñ
agar kabhī
kahīñ kisī aur jahān meñ
merī ye talāsh tujh tak pahuñche
to bas itnā jaan lenā
maiñ ne tujhe khoyā nahīñ
maiñ aaj bhī
abhī tak terī talāsh meñ huuñ
abhi tak teri talash mein hun
haalanki mujhe ma'lum hai
ki ab zamin ke kisi raste par
tera saya nahin girta
ki ab kisi moD par
teri hansi mera nam nahin leti
phir bhi
har ajnabi chehre mein
teri aankhen DhunDh leta hun
har KHamoshi mein
teri aawaz sunne ki koshish karta hun
aur har raat
nind ke darwaze par
tera nam rakh kar dastak deta hun
abhi tak teri talash mein hun
qabron ke us par
KHwabon ki dhund mein
yaadon ke un kamron mein
jahan waqt ruk sa gaya hai
aur tu ab bhi wahin baiThi hai
jaise kabhi gai hi na ho
log kahte hain
marne wale lauT kar nahin aate
magar wo nahin jaante
ki kuchh log
jism chhoD jate hain
magar ruh
kisi ke dil mein
hamesha zinda rahti hai
main tujhe DhunDta hun
us hawa mein
jo achanak dil ko chhu jae
us aansu mein
jo bina wajh bah nikle
us du'a mein
jo zaban tak aae
aur mukammal hone se pahle TuT jae
abhi tak teri talash mein hun
kyunki tu mere mazi ka qissa nahin
tu mere haal ki kami hai
aur mere mustaqbil ki wo KHamoshi
jis ka koi mutabaadil nahin
agar kabhi
kahin kisi aur jahan mein
meri ye talash tujh tak pahunche
to bas itna jaan lena
main ne tujhe khoya nahin
main aaj bhi
abhi tak teri talash mein hun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.