dil ne pahle dar-e-aqa ki aqidat pai
dil ne pahle dar-e-āqā kī 'aqīdat paa.ī
tab kahīñ jā ke zarā naa't kī ne'mat paa.ī
apne shānoñ pe kiyā farz vo dast-e-shafqat
jism meñ jaan paḌī saañs ne himmat paa.ī
shukr-sad-shukr ġhulāmoñ meñ ginā jaatā huuñ
shukr-sad-shukr ki aaqā kī mohabbat paa.ī
varna gumnāmī hī gumnāmī muqaddar thī mirā
aap ke faiz se duniyā meñ ye shohrat paa.ī
aap kī baat chalī dard hue ḳhatm sabhī
aap kā naam liyā ziist meñ rāhat paa.ī
dil ne pahle dar-e-aqa ki 'aqidat pai
tab kahin ja ke zara na't ki ne'mat pai
apne shanon pe kiya farz wo dast-e-shafqat
jism mein jaan paDi sans ne himmat pai
shukr-sad-shukr ghulamon mein gina jata hun
shukr-sad-shukr ki aaqa ki mohabbat pai
warna gumnami hi gumnami muqaddar thi mera
aap ke faiz se duniya mein ye shohrat pai
aap ki baat chali dard hue KHatm sabhi
aap ka nam liya zist mein rahat pai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
