salatin-e-jahan dene salami bar bar aae

salātīn-e-jahāñ dene salāmī baar baar aa.e

nirālī shaan se duniyā meñ diiñ ke tājdār aa.e

nabī ke paas sab siddīq jaise jāñ-nisār aa.e

'umar aa.e ġhanī aa.e 'alī-e-nām-dār aa.e

mohabbat is qadar thī hazrat-e-siddīq ko un se

ba-ham-rāh-e-nabī tanhā vahī to sū-e-ġhār aa.e

zahe-qismat jo ho jaa.e ziyārat ḳhvāb meñ un kī

ilāhī koī shab aisī mujhe bhī sāzgār aa.e

machī thī dhuum duniyā meñ unhīñ kī aamad aamad kī

kuchh aisī shaan ko lekar vo diiñ ke tājdār aa.e

har ik ahl-e-muhabbat par judā.ī shaaq hotī hai

bulā liije madīne meñ mujhe jis se qarār aa.e

salatin-e-jahan dene salami bar bar aae

nirali shan se duniya mein din ke tajdar aae

nabi ke pas sab siddiq jaise jaan-nisar aae

'umar aae ghani aae 'ali-e-nam-dar aae

mohabbat is qadar thi hazrat-e-siddiq ko un se

ba-ham-rah-e-nabi tanha wahi to su-e-ghaar aae

zahe-qismat jo ho jae ziyarat KHwab mein un ki

ilahi koi shab aisi mujhe bhi sazgar aae

machi thi dhum duniya mein unhin ki aamad aamad ki

kuchh aisi shan ko lekar wo din ke tajdar aae

har ek ahl-e-muhabbat par judai shaq hoti hai

bula lije madine mein mujhe jis se qarar aae