jaane kahan wo dard ke mare chale gae

jaane kahāñ vo dard ke maare chale ga.e

ham ko samajhne vaale hamāre chale ga.e

ik ek kar ke sab ko hī dariyā ne khā liyā

hote the kal jo aaj kināre chale ga.e

jaanā kahāñ thā ye to hameñ bhī pata na thā

bahtī huī havā ke sahāre chale ga.e

hālāñki sub.h hote hī sūraj nikal gayā

afsos hai ki chāñd sitāre chale ga.e

ham ne bhī dil ko zabt kā ḳhūgar banā liyā

har ek lamha ḳhud ko sañvāre chale ga.e

'farhān' jī ye aap ne duniyā meñ kyā kiyā

be-vaj.h zindagī ko guzāre chale ga.e

jaane kahan wo dard ke mare chale gae

hum ko samajhne wale hamare chale gae

ek ek kar ke sab ko hi dariya ne kha liya

hote the kal jo aaj kinare chale gae

jaana kahan tha ye to hamein bhi pata na tha

bahti hui hawa ke sahaare chale gae

haalanki subh hote hi suraj nikal gaya

afsos hai ki chand sitare chale gae

hum ne bhi dil ko zabt ka KHugar bana liya

har ek lamha KHud ko sanware chale gae

'farhan' ji ye aap ne duniya mein kya kiya

be-wajh zindagi ko guzare chale gae