aap ka rang-e-mohabbat ya nabi

aap kā rang-e-mohabbat yā nabī

hai jahān-e-dil kī zīnat yā nabī

har musāfir kī zarūrat yā nabī

aap haiñ nūr-e-hidāyat yā nabī

ye mire ashk-e-nadāmat yā nabī

haiñ talab-gār-e-shafā'at yā nabī

aap to jannat meñ hoñge is liye

hai mujhe jannat kī chāhat yā nabī

hai tamannā miim likkhūñ aur maiñ

chuum luuñ gar ho ijāzat yā nabī

naaz hai qismat pe us kī ḳhvāb meñ

ho ga.ī jis ko ziyārat yā nabī

rashk aa.e kyuuñ na apnī zaat par

aap se hai merī nisbat yā nabī

aap vajh-e-raunaq-e-kul-kā.enāt

aap ke dam se hai rangat yā nabī

aap ka rang-e-mohabbat ya nabi

hai jahan-e-dil ki zinat ya nabi

har musafir ki zarurat ya nabi

aap hain nur-e-hidayat ya nabi

ye mere ashk-e-nadamat ya nabi

hain talab-gar-e-shafa'at ya nabi

aap to jannat mein honge is liye

hai mujhe jannat ki chahat ya nabi

hai tamanna mim likkhun aur main

chum lun gar ho ijazat ya nabi

naz hai qismat pe us ki KHwab mein

ho gai jis ko ziyarat ya nabi

rashk aae kyun na apni zat par

aap se hai meri nisbat ya nabi

aap wajh-e-raunaq-e-kul-kaenat

aap ke dam se hai rangat ya nabi