afsana-e-kalim hai daur-e-kuhan ki baat
afsana-e-kalim hai daur-e-kuhan ki baat
Jameel Ahmad Qadri Salimi Gunnauri
MORE BYJameel Ahmad Qadri Salimi Gunnauri
me'rāj kī hai baat rasūl-e-zaman kī baat
maiñ ḳhush huuñ is liye ki ġhulām-rasūl huuñ
aa.e zabāñ pe kyuuñ mire ranj-o-mehan kī baat
jis kā kalām jahl-e-'arab ko miTā gayā
haañ vā'izo karo usī shīrīñ-suḳhan kī baat
hijrat meñ shah ke saath milā lutf vo unheñ
phir kar sake sahāba na apne vatan kī baat
bū-e-pasīna aa.ī jo sarkār kī 'jamīl'
fauran hī yaad aa ga.ī mushk-e-ḳhutan kī baat
me'raj ki hai baat rasul-e-zaman ki baat
main KHush hun is liye ki ghulam-rasul hun
aae zaban pe kyun mere ranj-o-mehan ki baat
jis ka kalam jahl-e-'arab ko miTa gaya
han wa'izo karo usi shirin-suKHan ki baat
hijrat mein shah ke sath mila lutf wo unhen
phir kar sake sahaba na apne watan ki baat
bu-e-pasina aai jo sarkar ki 'jamil'
fauran hi yaad aa gai mushk-e-KHutan ki baat
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
