tera zikr hai azal se teri shan la-budi hai

tirā zikr hai azal se tirī shaan lā-budī hai

tirī kyā bayāñ ho rif'at tū rasūl-e-āḳhrī hai

maiñ huuñ muflisī kā maarā tū ġhanī hai tū ġhanī hai

mirī zindagī kā maqsad tire dar kī hāzirī hai

na iram kī justujū hai na hai sīm-o-zar kī hājat

tire dar pe maut aa.e mirī aarzū yahī hai

tire ġham meñ mast rahnā tirā zikr kar ke ronā

yahī merā mashġhala hai yahī 'merī zindagī hai

yuuñ baḌhāyā jā rahā hai tirā rutba bait-e-aqdas

ki imaam tū banā hai jise dekho muqtadī hai

hai tire tufail sālim mirī zindagī daraḳhshāñ

hai 'urūj mujh ko hāsil tirī banda-parvarī hai

maiñ madīne jab bhī pahuñchūñ to ye ik sadā bhī sun luuñ

tū 'jamīl' naa't paḌh ab yahī vaqt-e-hāzirī hai

tera zikr hai azal se teri shan la-budi hai

teri kya bayan ho rif'at tu rasul-e-aKHri hai

main hun muflisi ka mara tu ghani hai tu ghani hai

meri zindagi ka maqsad tere dar ki haziri hai

na iram ki justuju hai na hai sim-o-zar ki hajat

tere dar pe maut aae meri aarzu yahi hai

tere gham mein mast rahna tera zikr kar ke rona

yahi mera mashghala hai yahi 'meri zindagi hai

yun baDhaya ja raha hai tera rutba bait-e-aqdas

ki imam tu bana hai jise dekho muqtadi hai

hai tere tufail salim meri zindagi daraKHshan

hai 'uruj mujh ko hasil teri banda-parwari hai

main madine jab bhi pahunchun to ye ek sada bhi sun lun

tu 'jamil' na't paDh ab yahi waqt-e-haziri hai