is tarh tasawwur mein sarkar nazar aae

is tarh tasavvur meñ sarkār nazar aa.e

tā-hadd-e-nazar mujh ko anvār nazar aa.e

be-vazn añdheroñ se ambār nazar aa.e

jab māh-e-risālat ke anvār nazar aa.e

jab aap ke rauze kī mīnār nazar aa.e

raushan mirī qismat ke āsār nazar aa.e

afkār-e-zamāna se hotā hai vo begāna

jo jaam se vahdat ke sarshār nazar aa.e

me'rāj meñ ahmad ko hāsil huī vo rif'at

jibrīl bhī jaane par lā-chār nazar aa.e

jis par tirī rahmat kī har lamha 'ināyat ho

vo terā bhikārī kyuuñ nādār nazar aa.e

duniyā pe 'jamīl' aisī yalġhār-e-mohabbat kar

har qasr takabbur kā mismār nazar aa.e

is tarh tasawwur mein sarkar nazar aae

ta-hadd-e-nazar mujh ko anwar nazar aae

be-wazn andheron se ambar nazar aae

jab mah-e-risalat ke anwar nazar aae

jab aap ke rauze ki minar nazar aae

raushan meri qismat ke aasar nazar aae

afkar-e-zamana se hota hai wo begana

jo jam se wahdat ke sarshaar nazar aae

me'raj mein ahmad ko hasil hui wo rif'at

jibril bhi jaane par la-chaar nazar aae

jis par teri rahmat ki har lamha 'inayat ho

wo tera bhikari kyun nadar nazar aae

duniya pe 'jamil' aisi yalghaar-e-mohabbat kar

har qasr takabbur ka mismar nazar aae