hua KHud sar-ba-sajda ghar KHuda ka

huā ḳhud sar-ba-sajda ghar ḳhudā kā

munavvar jab huā ghar aamna kā

koī hāsil nahīñ aisī du'ā kā

vasīla ho na jis meñ mustafā kā

mirā har naqsh-e-pā hai māh-o-anjum

maiñ 'āshiq huuñ habīb-e-kibriyā kā

had-e-dīvāngī se baḌh chukā huuñ

nahīñ ġham ab mujhe roz-e-jazā kā

ukhāḌā hai 'alī ne bāb-e-ḳhaibar

ishāra paate hī ḳhair-ul-varā kā

jise duniyā kahā jaatā hai logo

hai 'atiya ye habīb-e-kibriyā kā

ḳhudā ko bhī hai pyārā vo hī bandā

jo apnā.e tarīqa mustafā kā

jahāñ jibrīl haiñ jaane se qāsir

vahāñ par to guzar hai mustafā kā

uThāyā sar na mere muqtadir ne

kiyā sajda adā bhī kis adā kā

dar-e-sālim dar-e-achchhe-miyāñ se

milā hai silsila ġhaus-ul-varā kā

'jamīl'-e-qādrī kī laaj rakhnā

ye ik paikar hai bas jurm-o-ḳhatā kā

hua KHud sar-ba-sajda ghar KHuda ka

munawwar jab hua ghar aamna ka

koi hasil nahin aisi du'a ka

wasila ho na jis mein mustafa ka

mera har naqsh-e-pa hai mah-o-anjum

main 'ashiq hun habib-e-kibriya ka

had-e-diwangi se baDh chuka hun

nahin gham ab mujhe roz-e-jaza ka

ukhaDa hai 'ali ne bab-e-KHaibar

ishaara pate hi KHair-ul-wara ka

jise duniya kaha jata hai logo

hai 'atiya ye habib-e-kibriya ka

KHuda ko bhi hai pyara wo hi banda

jo apnae tariqa mustafa ka

jahan jibril hain jaane se qasir

wahan par to guzar hai mustafa ka

uThaya sar na mere muqtadir ne

kiya sajda ada bhi kis ada ka

dar-e-salim dar-e-achchhe-miyan se

mila hai silsila ghaus-ul-wara ka

'jamil'-e-qadri ki laj rakhna

ye ek paikar hai bas jurm-o-KHata ka