duniya huzur ki hai zamana huzur ka
duniyā huzūr kī hai zamāna huzūr kā
siine meñ merā dil hai Thikāna huzūr kā
dekheñge ham bhī gumbad-e-ḳhazrā kī raunaqeñ
gar ho gayā nasīb bulānā huzūr kā
haiñ jis meñ fātima 'alī haidar hasan husain
be-misl hai jahāñ meñ gharānā huzūr kā
ai kaash aisā ho kabhī qismat mirī khule
ho jaa.e mere ḳhvāb meñ aanā huzūr kā
ye sochiye ki kitne muqaddas haiñ rāste
aanā thā jin se aur kabhī jaanā huzūr kā
'farhān' yuuñ hī mad.h-e-shah-e-do-jahāñ karūñ
aatā rahe ḳhayāl suhānā huzūr kā
duniya huzur ki hai zamana huzur ka
sine mein mera dil hai Thikana huzur ka
dekhenge hum bhi gumbad-e-KHazra ki raunaqen
gar ho gaya nasib bulana huzur ka
hain jis mein fatima 'ali haidar hasan husain
be-misl hai jahan mein gharana huzur ka
ai kash aisa ho kabhi qismat meri khule
ho jae mere KHwab mein aana huzur ka
ye sochiye ki kitne muqaddas hain raste
aana tha jin se aur kabhi jaana huzur ka
'farhan' yun hi madh-e-shah-e-do-jahan karun
aata rahe KHayal suhana huzur ka
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
