anwar baraste rahte hain us pak nagar ki rahon mein

anvār baraste rahte haiñ us paak nagar kī rāhoñ meñ

ik kaif kā 'ālam hotā hai taiba kī mast havāoñ meñ

us nām-e-mohamād ke sadqe bigḌī huī qismat bantī hai

us ko bhī panāh mil jaatī hai jo Duub gayā ho gunāhoñ meñ

gesū-e-mohammad kī ḳhushbū allah allah kyā ḳhushbū hai

ehsās mo'attar hotā hai vallail kī mahkī chhāoñ meñ

vo bānī-e-dīn-e-mubīn bhī hai hā-mīm bhī hai yāsīn bhī hai

miskīnoñ meñ miskīn bhī hai sultān-e-zamāna shāhoñ meñ

sab jalve haiñ us sūrat ke vo sūrat hī vaj.hullāh hai

allāh nazar aa jaatā hai vo sūrat jab ho nigāhoñ meñ

allāh kī rahmat ke jalve us vaqt mayassar hote haiñ

sajde meñ hoñ jab āñkheñ pur-nam aur nām-e-mohamād aahoñ meñ

us nātiq-qur.ān kī mid.hat insān ke bas kī baat nahīñ

mamdūh-e-ḳhudā haiñ vo 'vāsif' sad-shukr ki ham haiñ gadāoñ meñ

anwar baraste rahte hain us pak nagar ki rahon mein

ek kaif ka 'alam hota hai taiba ki mast hawaon mein

us nam-e-mohamad ke sadqe bigDi hui qismat banti hai

us ko bhi panah mil jati hai jo Dub gaya ho gunahon mein

gesu-e-mohammad ki KHushbu allah allah kya KHushbu hai

ehsas mo'attar hota hai wallail ki mahki chhaon mein

wo bani-e-din-e-mubin bhi hai ha-mim bhi hai yasin bhi hai

miskinon mein miskin bhi hai sultan-e-zamana shahon mein

sab jalwe hain us surat ke wo surat hi wajhullah hai

allah nazar aa jata hai wo surat jab ho nigahon mein

allah ki rahmat ke jalwe us waqt mayassar hote hain

sajde mein hon jab aankhen pur-nam aur nam-e-mohamad aahon mein

us natiq-quran ki midhat insan ke bas ki baat nahin

mamduh-e-KHuda hain wo 'wasif' sad-shukr ki hum hain gadaon mein