shaiKH aae jo mahshar mein to aamal nadarat

shaiḳh aa.e jo mahshar meñ to a.amāl nadārat

jis maal ke tājir the vahī maal nadārat

kuchh hotā rahegā yūñhī har saal nadārat

tibbat kabhī ġhā.eb kabhī nepal nadārat

rūmāl jo milte the to thī raal nadārat

ab raal Tapaktī hai to rūmāl nadārat

tahqīq kiyā un kā jo shajara to ye paayā

kuchh yūñhī sī nanihāl hai dadhiyāl nadārat

hai us but-e-kāfir kā shabāb apnā buḌhāpā

maazī hai udhar gol idhar haal nadārat

ta.adād meñ haiñ aurteñ mardoñ se zyāda

qavvāliyāñ maujūd haiñ qavvāl nadārat

biivī kī bhī juutī ke tale ho ga.e ġhā.eb

shauhar ke agar sar se hue baal nadārat

shaiKH aae jo mahshar mein to aamal nadarat

jis mal ke tajir the wahi mal nadarat

kuchh hota rahega yunhi har sal nadarat

tibbat kabhi ghaeb kabhi nepal nadarat

rumal jo milte the to thi ral nadarat

ab ral Tapakti hai to rumal nadarat

tahqiq kiya un ka jo shajara to ye paya

kuchh yunhi si nanihaal hai dadhiyal nadarat

hai us but-e-kafir ka shabab apna buDhapa

mazi hai udhar gol idhar haal nadarat

tadad mein hain aurten mardon se zyaada

qawwaliyan maujud hain qawwal nadarat

biwi ki bhi juti ke tale ho gae ghaeb

shauhar ke agar sar se hue baal nadarat