ek jhalak ka faqat zuhur hua

ik jhalak kā faqat zuhūr huā

aa.ine kā ġhurūr chuur huā

us se hotā gayā qarīb qarīb

ḳhud se maiñ jitnā jitnā duur huā

reza reza huā huā to huā

kuchh to ehsās-e-barq-e-tūr huā

lafz hāthoñ meñ mere mom hue

zikr-e-dā.ūd duur duur huā

rāsta takte bujh ga.iiñ āñkheñ

hāsil-e-zindagī ye nuur huā

zulm Dhāyā hai ab rihā.ī ne

be-ḳhatā thā yahī qusūr huā

be-vafā.ī na kī magar 'kausar'

kuchh to thā is liye vo duur huā

ek jhalak ka faqat zuhur hua

aaine ka ghurur chur hua

us se hota gaya qarib qarib

KHud se main jitna jitna dur hua

reza reza hua hua to hua

kuchh to ehsas-e-barq-e-tur hua

lafz hathon mein mere mom hue

zikr-e-daud dur dur hua

rasta takte bujh gain aankhen

hasil-e-zindagi ye nur hua

zulm Dhaya hai ab rihai ne

be-KHata tha yahi qusur hua

be-wafai na ki magar 'kausar'

kuchh to tha is liye wo dur hua