zulfeñ chhoḌīñ haiñ ki joḌā us ne chhoḌā saañp kā
dekhiye kis kis ko Dastā hai ye joḌā saañp kā
gore gāloñ par tire zulfeñ ye lahrātī nahīñ
yāsmīñ-zār-e-sabāhat meñ hai joḌā saañp kā
ishq un zulfoñ kā mujh se tark hone kā nahīñ
hai mirā ham-zād ai nāseh ye joḌā saañp kā
donoñ zulfeñ yaar kī ulTī haiñ bāloñ par mire
vajd kartā hai sadā-e-nai ye joḌā saañp kā
muñD ga.iiñ zulfeñ haiñ shā.er kis se ab deñge misāl
ho gayā tashbīh kī ḳhātir bhī toḌā saañp kā
umr bhar dil ko ḳhayāl-e-gesū-e-pechāñ rahā
dhyān is nādān ne hargiz na chhoḌā saañp kā
nuqra.ī mūbāf choTī meñ rahā un kī sadā
keñchulī ne umr bhar pīchhā na chhoḌā saañp kā
paḌ ga.ī īzā-dahandī kī tirī zulfoñ ko ḳhū
kāTtā hai uḌ ke āshiq ko ye joḌā saañp kā
kuchh samajh kar rahā huuñ yaar kī zulfoñ kī dāsht
pāltā huuñ apne kaTvāne ko joḌā saañp kā
shaam se un gesuoñ kī yaad meñ jo so rahā
ḳhvāb meñ dekhā kiyā tā-sub.h joḌā saañp kā
ishq meñ gesū o abrū ke agar denī hai jaan
nīsh-e-aqrab khā ke pī le zahr thoḌā saañp kā
vāste muuzī ke āḳhir meñ bhī muuzī ban gayā
sar kisī hālat meñ be-kuchle na chhoḌā saañp kā
ishq-e-gesū meñ na qatra bhī talaf hone diyā
zahr saarā halaq meñ maiñ ne nichoḌā saañp kā
ḳhat pe aate haiñ bahut lahrā ke gesū yaar ke
sabza-e-nau-ḳhez par ġhash hai ye joḌā saañp kā
halqa-e-gesū-e-shab ko zarra-e-afshāñ chunī
raat ko chun chun ke ik ik daañt toḌā saañp kā
har qadam par maar kar sar kar rahā hai nāg-pech
ab chalan sīkhā hai is muuzī ne thoḌā saañp kā
dushman-e-jānī ko apne dī na iizā 'rind' ne
daañt hī toḌā na chhālā us ne phoḌā saañp kā
zulfen chhoDin hain ki joDa us ne chhoDa sanp ka
dekhiye kis kis ko Dasta hai ye joDa sanp ka
gore galon par tere zulfen ye lahraati nahin
yasmin-zar-e-sabahat mein hai joDa sanp ka
ishq un zulfon ka mujh se tark hone ka nahin
hai mera ham-zad ai naseh ye joDa sanp ka
donon zulfen yar ki ulTi hain baalon par mere
wajd karta hai sada-e-nai ye joDa sanp ka
munD gain zulfen hain shaer kis se ab denge misal
ho gaya tashbih ki KHatir bhi toDa sanp ka
umr bhar dil ko KHayal-e-gesu-e-pechan raha
dhyan is nadan ne hargiz na chhoDa sanp ka
nuqrai mubaf choTi mein raha un ki sada
kenchuli ne umr bhar pichha na chhoDa sanp ka
paD gai iza-dahandi ki teri zulfon ko KHu
kaTta hai uD ke aashiq ko ye joDa sanp ka
kuchh samajh kar raha hun yar ki zulfon ki dasht
palta hun apne kaTwane ko joDa sanp ka
sham se un gesuon ki yaad mein jo so raha
KHwab mein dekha kiya ta-subh joDa sanp ka
ishq mein gesu o abru ke agar deni hai jaan
nish-e-aqrab kha ke pi le zahr thoDa sanp ka
waste muzi ke aaKHir mein bhi muzi ban gaya
sar kisi haalat mein be-kuchle na chhoDa sanp ka
ishq-e-gesu mein na qatra bhi talaf hone diya
zahr sara halaq mein main ne nichoDa sanp ka
KHat pe aate hain bahut lahra ke gesu yar ke
sabza-e-nau-KHez par ghash hai ye joDa sanp ka
halqa-e-gesu-e-shab ko zarra-e-afshan chuni
raat ko chun chun ke ek ek dant toDa sanp ka
har qadam par mar kar sar kar raha hai nag-pech
ab chalan sikha hai is muzi ne thoDa sanp ka
dushman-e-jaani ko apne di na iza 'rind' ne
dant hi toDa na chhaala us ne phoDa sanp ka
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
