zindagi tujhko KHafa karna hai

zindagī tujh ko ḳhafā karnā hai

aur jiine kī du'ā karnā hai

aaj phir tālib-e-dīdār huuñ maiñ

chand zaḳhmoñ ko nayā karnā hai

qais ab yaad bahut aa.egā

qaid se panchhī rihā karnā hai

husn-e-zālim pe kahūñgā kuchh she'r

yā'nī ik hashr bapā karnā hai

ek din dil ne kahā ġhusse meñ

aañkh se ḳhud ko judā karnā hai

'ishq hai aap kā so ḳhud jāneñ

mujh se mat pūchhiye kyā karnā hai

'ishq meñ pahlī himāqat 'maqsūd'

kuchh nahīñ sirf davā karnā hai

zindagi tujh ko KHafa karna hai

aur jine ki du'a karna hai

aaj phir talib-e-didar hun main

chand zaKHmon ko naya karna hai

qais ab yaad bahut aaega

qaid se panchhi riha karna hai

husn-e-zalim pe kahunga kuchh she'r

ya'ni ek hashr bapa karna hai

ek din dil ne kaha ghusse mein

aankh se KHud ko juda karna hai

'ishq hai aap ka so KHud jaanen

mujh se mat puchhiye kya karna hai

'ishq mein pahli himaqat 'maqsud'

kuchh nahin sirf dawa karna hai