zindagi se ishq yun karta raha

zindagī se 'ishq yuuñ kartā rahā

maut se maiñ 'umr bhar Dartā rahā

vaqt aur hālāt ke har zaḳhm ko

marham-e-ummīd se bhartā rahā

bas ki qaa.em ho sake amn-o-amāñ

dushmanoñ se dostī kartā rahā

zindagī thī be-vafā to kyā huā

maiñ to ummīd-e-vafā kartā rahā

the vafā kī raah meñ kāñTe bahut

maiñ usī raste safar kartā rahā

zindagī kī chaah meñ kyā soch kar

zindagī kī maut maiñ martā rahā

zindagi se 'ishq yun karta raha

maut se main 'umr bhar Darta raha

waqt aur haalat ke har zaKHm ko

marham-e-ummid se bharta raha

bas ki qaem ho sake amn-o-aman

dushmanon se dosti karta raha

zindagi thi be-wafa to kya hua

main to ummid-e-wafa karta raha

the wafa ki rah mein kanTe bahut

main usi raste safar karta raha

zindagi ki chah mein kya soch kar

zindagi ki maut main marta raha