zindagi KHwab dikhati hai ye kaise kaise
zindagī ḳhvāb dikhātī hai ye kaise kaise
ham bhī saade haiñ kiye jaate haiñ vaise vaise
ham haiñ kuchh putliyāñ insān yūñhī kahte haiñ
ham ko har saañs batāyā gayā aise aise
ham ko mā'lūm nahīñ apnā muqaddar lekin
likkhā hāthoñ kī lakīroñ meñ hai jaise taise
aañkh se mahv hue aur bhī manzil ke nishāñ
diip jalte hī rahe raah meñ jaise jaise
us mohabbat kī kahānī ke haiñ kirdār sabhī
jis ke dībāche pe likkhā gayā paise paise
jin kī ḳhū meñ na vafā.eñ na nibhāne kī adā
un kī dānist meñ ham log haiñ aise vaise
ye muravvat ye mohabbat ye ta'alluq naate
rog 'abrak' ye lage haiñ tujhe kaise kaise
zindagi KHwab dikhati hai ye kaise kaise
hum bhi sade hain kiye jate hain waise waise
hum hain kuchh putliyan insan yunhi kahte hain
hum ko har sans bataya gaya aise aise
hum ko ma'lum nahin apna muqaddar lekin
likkha hathon ki lakiron mein hai jaise taise
aankh se mahw hue aur bhi manzil ke nishan
dip jalte hi rahe rah mein jaise jaise
us mohabbat ki kahani ke hain kirdar sabhi
jis ke dibache pe likkha gaya paise paise
jin ki KHu mein na wafaen na nibhane ki ada
un ki danist mein hum log hain aise waise
ye murawwat ye mohabbat ye ta'alluq nate
rog 'abrak' ye lage hain tujhe kaise kaise
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
