safar ko KHatm karne par kabhi mail nahin hota

safar ko ḳhatm karne par kabhī maa.il nahīñ hotā

musāfir zindagī kā tālib-e-manzil nahīñ hotā

vo zimma-dār haiñ ḳhud jo nazar se qatl hote haiñ

pashemāñ qatl par aise koī qātil nahīñ hotā

guzar jaatā hai aa kar ik maqām aisā mohabbat meñ

jahāñ mushkil se bhī andāza-e-mushkil nahīñ hotā

na ho bezār saa.il se ki hai vo qadr ke qābil

dharī rah jaatī terī den agar saa.il nahīñ hotā

tirā dīvāna rahtā hai hamesha bhiiḌ meñ lekin

bajā-e-ḳhud kabhī vo bhiiḌ meñ shāmil nahīñ hotā

kisī hiile se gar fir'aun ruk jaatā kināre par

to ġharq-e-nīl us kā dā'va-e-bātil nahīñ hotā

nahīñ miltī misāl-e-mehr-o-māh āvāra-gardī meñ

'adīl' in meñ koī āsūda-e-manzil nahīñ hotā

safar ko KHatm karne par kabhi mail nahin hota

musafir zindagi ka talib-e-manzil nahin hota

wo zimma-dar hain KHud jo nazar se qatl hote hain

pasheman qatl par aise koi qatil nahin hota

guzar jata hai aa kar ek maqam aisa mohabbat mein

jahan mushkil se bhi andaza-e-mushkil nahin hota

na ho bezar sail se ki hai wo qadr ke qabil

dhari rah jati teri den agar sail nahin hota

tera diwana rahta hai hamesha bhiD mein lekin

baja-e-KHud kabhi wo bhiD mein shamil nahin hota

kisi hile se gar fir'aun ruk jata kinare par

to gharq-e-nil us ka da'wa-e-baatil nahin hota

nahin milti misal-e-mehr-o-mah aawara-gardi mein

'adil' in mein koi aasuda-e-manzil nahin hota