pahaD sar kiye tab ja ke itna kaam hua

pahāḌ sar kiye tab jā ke itnā kaam huā

zarā sī der maiñ fitrat se ham-kalām huā

baġhair is ke batā kyā huā hai duniyā meñ

hamārī baat huī yā tumhārā naam huā

hameñ to ranj uThāne kī yuuñ bhī 'ādat thī

hamāre saath ḳhajil ek ḳhush-ḳhirām huā

ye fat.h-e-sīna-e-yārāñ tumheñ mubārak ho

ye dil jo merā nahīñ thā tirā ġhulām huā

ham ek phuul kī sangat meñ ye bhī bhuul ga.e

kahāñ safar thā hamārā kahāñ qayām huā

hazār koshish-e-paiham ke bā-vajūd kabhī

ġhanīm-e-shahr kā mujh se na ehtirām huā

pahaD sar kiye tab ja ke itna kaam hua

zara si der main fitrat se ham-kalam hua

baghair is ke bata kya hua hai duniya mein

hamari baat hui ya tumhaara nam hua

hamein to ranj uThane ki yun bhi 'adat thi

hamare sath KHajil ek KHush-KHiram hua

ye fath-e-sina-e-yaran tumhein mubarak ho

ye dil jo mera nahin tha tera ghulam hua

hum ek phul ki sangat mein ye bhi bhul gae

kahan safar tha hamara kahan qayam hua

hazar koshish-e-paiham ke ba-wajud kabhi

ghanim-e-shahr ka mujh se na ehtiram hua