kisi manzar na kisi jism ki uryani se
kisī manzar na kisī jism kī 'uryānī se
aañkh hairān hai ḳhvāboñ kī farāvānī se
jis tarah pyaas meñ paanī kā mayassar aanā
maiñ tumheñ dekh rahā huuñ usī hairānī se
aag aur tez havā dil ko lubhāte haiñ magar
gahe miTTī se maiñ Dartā huuñ gahe paanī se
ai favā.id mujhe daulat ke batāne vaale
shā'irī kam to nahīñ taḳht-e-sulaimānī se
jab mujhe ziist ke asbāb mayassar aa.e
rābta TuuT gayā be-sar-o-sāmānī se
dasht se lauT ke aayā huuñ to logoñ ne mujhe
kaise pahchān liyā chāk-garebānī se
baat duniyā ko 'aqīdat se batāo ki 'sa'īd'
chain miltā hai mohammad kī sanā-ḳhvānī se
kisi manzar na kisi jism ki 'uryani se
aankh hairan hai KHwabon ki farawani se
jis tarah pyas mein pani ka mayassar aana
main tumhein dekh raha hun usi hairani se
aag aur tez hawa dil ko lubhate hain magar
gahe miTTi se main Darta hun gahe pani se
ai fawaid mujhe daulat ke batane wale
sha'iri kam to nahin taKHt-e-sulaimani se
jab mujhe zist ke asbab mayassar aae
rabta TuT gaya be-sar-o-samani se
dasht se lauT ke aaya hun to logon ne mujhe
kaise pahchan liya chaak-garebani se
baat duniya ko 'aqidat se batao ki 'sa'id'
chain milta hai mohammad ki sana-KHwani se
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
