KHud ko izhaar mein lane ke liye hote hain
ḳhud ko iz.hār meñ laane ke liye hote haiñ
she'r kab naam kamāne ke liye hote haiñ
aao ham ashk-fishānī se charāġhāñ kar leñ
ranj hī ranj miTāne ke liye hote haiñ
ziist kī rām-kahānī kā ḳhulāsa hai yahī
ham se kirdār fasāne ke liye hote haiñ
is liye yaar tujhe dil meñ basāyā maiñ ne
'aks to ā.ina-ḳhāne ke liye hote haiñ
ab koī shaḳhs tire jism pe qābiz huā hai
yā'nī sab saañp ḳhazāne ke liye hote haiñ
gardaneñ kaun jhukātā hai mohabbat meñ 'sa'īd'
yaar siine se lagāne ke liye hote hai
KHud ko izhaar mein lane ke liye hote hain
she'r kab nam kamane ke liye hote hain
aao hum ashk-fishani se charaghan kar len
ranj hi ranj miTane ke liye hote hain
zist ki ram-kahani ka KHulasa hai yahi
hum se kirdar fasane ke liye hote hain
is liye yar tujhe dil mein basaya main ne
'aks to aaina-KHane ke liye hote hain
ab koi shaKHs tere jism pe qabiz hua hai
ya'ni sab sanp KHazane ke liye hote hain
gardanen kaun jhukata hai mohabbat mein 'sa'id'
yar sine se lagane ke liye hote hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
