is kashmakash se hum ko guzar jaana chahiye
is kashmakash se ham ko guzar jaanā chāhiye
ghabrā.e ghar se dil to kidhar jaanā chāhiye
tang aa chuke haiñ itne ġham-e-zindagī se ham
har vaqt sochte haiñ ki mar jaanā chāhiye
piine ke baa'd aur bhaḌakne lagī hai pyaas
jām-e-hayāt ab tujhe bhar jaanā chāhiye
chāroñ taraf ġhubār hai manzil na rāsta
ham sochte haiñ ham ko kidhar jaanā chāhiye
gar chāhte ho tum ko ġhamoñ se mile najāt
behtar ye hai kī sajde meñ sar jaanā chāhiye
is kashmakash se hum ko guzar jaana chahiye
ghabrae ghar se dil to kidhar jaana chahiye
tang aa chuke hain itne gham-e-zindagi se hum
har waqt sochte hain ki mar jaana chahiye
pine ke ba'd aur bhaDakne lagi hai pyas
jam-e-hayat ab tujhe bhar jaana chahiye
chaaron taraf ghubar hai manzil na rasta
hum sochte hain hum ko kidhar jaana chahiye
gar chahte ho tum ko ghamon se mile najat
behtar ye hai ki sajde mein sar jaana chahiye
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
