hai daimi ye jawani na zindagani hai
hai dā.imī ye javānī na zindagānī hai
bahār gar hai chaman meñ ḳhizāñ bhī aanī hai
nazar meñ jin ke barābar haiñ ḳhaar ho ki ho gul
unhīñ ko muzhda-e-manzil kī shād-mānī hai
huuñ shash-jihāt se bāhar kī justujū meñ magan
zamīn kā huuñ makīñ soch lā-makānī hai
dil-o-dimāġh pe koī asar na chhoḌe gar
to vā'iz aap kī taqrīr be-ma'ānī hai
tamām shahr pe jaadū kare mirī ye ġhazal
radīf qāfiye ke saath yuuñ nibhānī hai
yahī hai falsafa-e-zindagī mire nazdīk
ġhamoñ meñ lipTī ḳhushī asl zindagānī hai
hai daimi ye jawani na zindagani hai
bahaar gar hai chaman mein KHizan bhi aani hai
nazar mein jin ke barabar hain KHar ho ki ho gul
unhin ko muzhda-e-manzil ki shad-mani hai
hun shash-jihat se bahar ki justuju mein magan
zamin ka hun makin soch la-makani hai
dil-o-dimagh pe koi asar na chhoDe gar
to wa'iz aap ki taqrir be-ma'ani hai
tamam shahr pe jadu kare meri ye ghazal
radif qafiye ke sath yun nibhani hai
yahi hai falsafa-e-zindagi mere nazdik
ghamon mein lipTi KHushi asl zindagani hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
