duniya ki nematon se hai be-zar zindagi
duniyā kī ne'matoñ se hai be-zār zindagī
ab dekhtī hai jiine ke āsār zindagī
jis samt jā.ūñ nafrateñ kiina hasad jalan
kuchh to mohabbatoñ kī thī haqdār zindagī
ab intizār hai ise apne tabīb kā
kab tak rahegī aise hī bīmār zindagī
kitne hasīn log the āñkhoñ ke sāmne
par chāhtī thī terā hī dīdār zindagī
mujh ġham-zada pe tū ne bhī itne sitam kiye
tujh se to thā kuchh aur hī dar-kār zindagī
ham zindagī pe dete haiñ tarjīh maut ko
ham to nahīñ haiñ tere talab-gār zindagī
'almās' phir guzār dī un ke baġhair bhī
jin ke baġhair lagtī thī āzār zindagī
duniya ki ne'maton se hai be-zar zindagi
ab dekhti hai jine ke aasar zindagi
jis samt jaun nafraten kina hasad jalan
kuchh to mohabbaton ki thi haqdar zindagi
ab intizar hai ise apne tabib ka
kab tak rahegi aise hi bimar zindagi
kitne hasin log the aankhon ke samne
par chahti thi tera hi didar zindagi
mujh gham-zada pe tu ne bhi itne sitam kiye
tujh se to tha kuchh aur hi dar-kar zindagi
hum zindagi pe dete hain tarjih maut ko
hum to nahin hain tere talab-gar zindagi
'almas' phir guzar di un ke baghair bhi
jin ke baghair lagti thi aazar zindagi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
