zehn mein kuchh qayas rahta hai
zehn meñ kuchh qayās rahtā hai
nisf ḳhālī gilās rahtā hai
har taraf rañg-o-nūr hai phir bhī
shahr kyuuñ kar udaas rahtā hai
muflisī meñ bhī haath phailā.eñ
kuchh to izzat kā paas rahtā hai
amn kā qatl ho gayā jab se
shahr ab bad-havās rahtā hai
tez raftār zindagānī meñ
hādisa ās-pās rahtā hai
daur patthar kā phir se lauT aayā
ab jahāñ be-libās rahtā hai
ham faqīroñ kā tarz hai 'sābir'
tan pe saada libās rahtā hai
zehn mein kuchh qayas rahta hai
nisf KHali gilas rahta hai
har taraf rang-o-nur hai phir bhi
shahr kyun kar udas rahta hai
muflisi mein bhi hath phailaen
kuchh to izzat ka pas rahta hai
amn ka qatl ho gaya jab se
shahr ab bad-hawas rahta hai
tez raftar zindagani mein
hadisa aas-pas rahta hai
daur patthar ka phir se lauT aaya
ab jahan be-libas rahta hai
hum faqiron ka tarz hai 'sabir'
tan pe sada libas rahta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
