fasil-e-jism mein nashtar utare jaenge

fasīl-e-jism meñ nashtar utāre jā.eñge

sabhī bhare hue ghaav ubhāre jā.eñge

ye bazm-e-duniyā hai mashrūt vāpsī se miyāñ

yahāñ pe ā.eñge jitne vo saare jā.eñge

maqām-e-shukr ki ham log jī rahe haiñ abhī

maqām-e-fikr ki ham log maare jā.eñge

savāl ye nahīñ kashtī meñ chhed kis ne kiyā

savāl ye hai ki kaise kināre jā.eñge

ḳhudā kī zaat se ummīd hai mujhe 'kāshif'

siyāh-baḳht bhī ik din sañvāre jā.eñge

fasil-e-jism mein nashtar utare jaenge

sabhi bhare hue ghaw ubhaare jaenge

ye bazm-e-duniya hai mashrut wapsi se miyan

yahan pe aaenge jitne wo sare jaenge

maqam-e-shukr ki hum log ji rahe hain abhi

maqam-e-fikr ki hum log mare jaenge

sawal ye nahin kashti mein chhed kis ne kiya

sawal ye hai ki kaise kinare jaenge

KHuda ki zat se ummid hai mujhe 'kashif'

siyah-baKHt bhi ek din sanware jaenge