dil se uTh ke chehre par is qadar hara hoga
dil se uTh ke chehre par is qadar harā hogā
chāra-sāz samjheñge zaḳhm bhar gayā hogā
khaal nochne vaale naam likhne baiTheñge
naam vo ki likhne meñ haath kāñptā hogā
ġham ke had se baḌhne par qahqahe hī nikleñge
ḳhuun rone vāloñ meñ aur bachā bhī kyā hogā
apne rang kī ḳhātir laḌtī hoñgī dīvāreñ
aur sar bhī baḌh-chaḌh kar vaar kar rahā hogā
sotā paayā jā.ūñgā maiñ ik andhe kamre meñ
aur us kā har konā ghuT ke mar chukā hogā
ye 'safīr' to ab bhī jī rahā hai hairat hai
yā'nī bāvlā laḌkā aur bāvlā hogā
dil se uTh ke chehre par is qadar hara hoga
chaara-saz samjhenge zaKHm bhar gaya hoga
khaal nochne wale nam likhne baiThenge
nam wo ki likhne mein hath kanpta hoga
gham ke had se baDhne par qahqahe hi niklenge
KHun rone walon mein aur bacha bhi kya hoga
apne rang ki KHatir laDti hongi diwaren
aur sar bhi baDh-chaDh kar war kar raha hoga
sota paya jaunga main ek andhe kamre mein
aur us ka har kona ghuT ke mar chuka hoga
ye 'safir' to ab bhi ji raha hai hairat hai
ya'ni bawla laDka aur bawla hoga
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
