chaara-garon se milta hun kam kam kabhi kabhi
chāra-garoñ se miltā huuñ kam kam kabhī kabhī
zaḳhmoñ kī misl hote haiñ marham kabhī kabhī
jiine kī aarzū hai na marne kā hausla
aise jhiñjhoḌtā hai tirā ġham kabhī kabhī
har baar aap jaane kī jaldī meñ hote haiñ
thoḌā Thahar bhī jaatā hai mausam kabhī kabhī
parvāne bhī to hoñge inhī shab-zadoñ ke biich
rakhnā tum apnī aañch ko maddham kabhī kabhī
sūraj bhī us ke baam se TuuTā huā na ho
raazī kabhī kabhār to barham kabhī kabhī
vo is zamīñ pe hote hue mujh se duur hai
ye dukh nikāltā hai mirā dam kabhī kabhī
chaara-garon se milta hun kam kam kabhi kabhi
zaKHmon ki misl hote hain marham kabhi kabhi
jine ki aarzu hai na marne ka hausla
aise jhinjhoDta hai tera gham kabhi kabhi
har bar aap jaane ki jaldi mein hote hain
thoDa Thahar bhi jata hai mausam kabhi kabhi
parwane bhi to honge inhi shab-zadon ke bich
rakhna tum apni aanch ko maddham kabhi kabhi
suraj bhi us ke baam se TuTa hua na ho
raazi kabhi kabhaar to barham kabhi kabhi
wo is zamin pe hote hue mujh se dur hai
ye dukh nikalta hai mera dam kabhi kabhi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
