ai KHuda jo bhi mujhe pand-e-shakebai de
ai ḳhudā jo bhī mujhe pand-e-shakebā.ī de
us kī āñkhoñ ko mire zaḳhm kī gahrā.ī de
tere logoñ se gila hai mire ā.īnoñ ko
un ko āñkheñ nahīñ detā hai to bīnā.ī de
ye dahan zaḳhm kī sūrat hai mire chehre par
yā mire zaḳhm ko bhar yā mujhe goyā.ī de
jis ke iimā pe kiyā tark-e-ta'alluq sab se
ab vahī shaḳhs mujhe tā'na-e-tanhā.ī de
itnā be-sarfa na jaa.e mire ghar kā jalnā
chashm-e-giryāñ na sahī chashm-e-tamāshā.ī de
kyā ḳhabar tujh ko ki kis vaz' kā bismil hai 'farāz'
vo to qātil ko bhī ilzām-e-masīhā.ī de
ai KHuda jo bhi mujhe pand-e-shakebai de
us ki aankhon ko mere zaKHm ki gahrai de
tere logon se gila hai mere aainon ko
un ko aankhen nahin deta hai to binai de
ye dahan zaKHm ki surat hai mere chehre par
ya mere zaKHm ko bhar ya mujhe goyai de
jis ke ima pe kiya tark-e-ta'alluq sab se
ab wahi shaKHs mujhe ta'na-e-tanhai de
itna be-sarfa na jae mere ghar ka jalna
chashm-e-giryan na sahi chashm-e-tamashai de
kya KHabar tujh ko ki kis waz' ka bismil hai 'faraaz'
wo to qatil ko bhi ilzam-e-masihai de
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
