zaKHm-e-dil ka ye shajar sab se juda hota hai
zaḳhm-e-dil kā ye shajar sab se judā hotā hai
dhuup lagtī hai to ye aur harā hotā hai
ab siyāsat kī dukānoñ kā ye dastūr huā
vahī sikka nahīñ chaltā jo kharā hotā hai
mehr kartā bhī nahīñ mehr samajhtā bhī nahīñ
aur be-mehr jo keh do to ḳhafā hotā hai
ab koī rāsta pūchhe ki na pūchhe us se
par har ik shaḳhs meñ ik rāh-numā hotā hai
terī mahfil meñ vafā kī to koī qadr nahīñ
haañ magar tazkira-e-ahl-e-vafā hotā hai
zaKHm-e-dil ka ye shajar sab se juda hota hai
dhup lagti hai to ye aur hara hota hai
ab siyasat ki dukanon ka ye dastur hua
wahi sikka nahin chalta jo khara hota hai
mehr karta bhi nahin mehr samajhta bhi nahin
aur be-mehr jo keh do to KHafa hota hai
ab koi rasta puchhe ki na puchhe us se
par har ek shaKHs mein ek rah-numa hota hai
teri mahfil mein wafa ki to koi qadr nahin
han magar tazkira-e-ahl-e-wafa hota hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
