yahi payam hai is shahr-e-rang-o-bu ke liye
yahī payām hai is shahr-e-rang-o-bū ke liye
yahāñ udaas rahā apne māh-rū ke liye
gayā na koī mire baa'd kū-e-qātil tak
taras gayā kaf-e-qātil rag-e-gulū ke liye
basī huī thiiñ jahāñ mehrbān āvāzeñ
vahāñ ham aaj taraste haiñ guftugū ke liye
ḳhizāñ ke rang bhī aise bure nahīñ lekin
ye rang Thiik nahīñ mere ḳhūb-rū ke liye
ye dil kī raah koī shāhrāh-e-‘ām nahīñ
ye rāsta hai faqat terī aarzū ke liye
yahi payam hai is shahr-e-rang-o-bu ke liye
yahan udas raha apne mah-ru ke liye
gaya na koi mere ba'd ku-e-qatil tak
taras gaya kaf-e-qatil rag-e-gulu ke liye
basi hui thin jahan mehrban aawazen
wahan hum aaj taraste hain guftugu ke liye
KHizan ke rang bhi aise bure nahin lekin
ye rang Thik nahin mere KHub-ru ke liye
ye dil ki rah koi shahrah-e-‘am nahin
ye rasta hai faqat teri aarzu ke liye
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
