ajib manzar hai barishon ka makan pani mein bah raha hai
ajiib manzar hai bārishoñ kā makān paanī meñ bah rahā hai
falak zamīñ kī hudūd meñ hai nishān paanī meñ bah rahā hai
tamām fasleñ ujaḌ chukī haiñ na hal bachā hai na bail baaqī
kisān girvī rakhā huā hai lagān paanī meñ bah rahā hai
azaab utrā to paañv sab ke zamīñ kī sat.hoñ se aa lage haiñ
havā ke ghar meñ nahīñ hai koī machān paanī meñ bah rahā hai
koī kisī ko nahīñ bachātā sab apnī ḳhātir hī tairte haiñ
ye din qayāmat kā din ho jaise jahān paanī meñ bah rahā hai
udaas āñkhoñ ke bādaloñ ne diloñ ke gard-o-ġhubār dho.e
yaqīn patthar banā khaḌā hai gumān paanī meñ bah rahā hai
ajib manzar hai barishon ka makan pani mein bah raha hai
falak zamin ki hudud mein hai nishan pani mein bah raha hai
tamam faslen ujaD chuki hain na hal bacha hai na bail baqi
kisan girwi rakha hua hai lagan pani mein bah raha hai
azab utra to panw sab ke zamin ki sathon se aa lage hain
hawa ke ghar mein nahin hai koi machan pani mein bah raha hai
koi kisi ko nahin bachata sab apni KHatir hi tairte hain
ye din qayamat ka din ho jaise jahan pani mein bah raha hai
udas aankhon ke baadalon ne dilon ke gard-o-ghubar dhoe
yaqin patthar bana khaDa hai guman pani mein bah raha hai
- Book : Dil Parinda Hai (Pg. 35)
- Author : Shakeel Azmi
- Publication : Rekhta Publications (2023)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
