tere baghair tere sath ek jaise the

tire baġhair tire saath ek jaise the

ki hijr-o-vasl ke lamhāt ek jaise the

phir ek din vo sahar-ḳhez mere paas aayā

vagarna mere bhī din raat ek jaise the

na chāhne pe bhī ik dūsre ke ho hī ga.e

du'ā alag thī magar haath ek jaise the

bichhaḌne vaale kisī aur kā kahā mat maan

ki tere mere ḳhayālāt ek jaise the

phir us ke baa'd ḳhabar aa.ī vo bahut ḳhush hai

judā hue the to hālāt ek jaise the

tere baghair tere sath ek jaise the

ki hijr-o-wasl ke lamhat ek jaise the

phir ek din wo sahar-KHez mere pas aaya

wagarna mere bhi din raat ek jaise the

na chahne pe bhi ek dusre ke ho hi gae

du'a alag thi magar hath ek jaise the

bichhaDne wale kisi aur ka kaha mat man

ki tere mere KHayalat ek jaise the

phir us ke ba'd KHabar aai wo bahut KHush hai

juda hue the to haalat ek jaise the