husn walon ne ajab hashr uTha rakkha hai

husn vāloñ ne 'ajab hashr uThā rakkhā hai

saarī duniyā ko hī dīvāna banā rakkhā hai

ek qātil ne 'ajab qahr machā rakkhā hai

ek bismil ne 'ajab raqs bapā rakkhā hai

jal ke bujhtā hai kabhī jal ke bhaḌak uThtā hai

ham ne pahlū meñ jo ik sho'la-numā rakkhā hai

DaañT kar kahte haiñ tum chup raho muñh band rakho

vasl kā tum ne ye kyā raTTā lagā rakkhā hai

dard ye mere kaf-o-pā na uThā sakte the

jis jagah tū ne ye rakkhā hai ba-jā rakkhā hai

Thokareñ lā'nat-o-dushnām malāmat zillat

aur kyā duniyā meñ us dar ke sivā rakkhā hai

mast āñkhoñ se jo ik jaam piyā thā us par

dil to kyā ham ne jigar apnā luTā rakkhā hai

husn walon ne 'ajab hashr uTha rakkha hai

sari duniya ko hi diwana bana rakkha hai

ek qatil ne 'ajab qahr macha rakkha hai

ek bismil ne 'ajab raqs bapa rakkha hai

jal ke bujhta hai kabhi jal ke bhaDak uThta hai

hum ne pahlu mein jo ek sho'la-numa rakkha hai

DanT kar kahte hain tum chup raho munh band rakho

wasl ka tum ne ye kya raTTa laga rakkha hai

dard ye mere kaf-o-pa na uTha sakte the

jis jagah tu ne ye rakkha hai ba-ja rakkha hai

Thokaren la'nat-o-dushnam malamat zillat

aur kya duniya mein us dar ke siwa rakkha hai

mast aankhon se jo ek jam piya tha us par

dil to kya hum ne jigar apna luTa rakkha hai