wufur-e-shauq ka ye silsila rahe na rahe
vufūr-e-shauq kā ye silsila rahe na rahe
ziyāda der zamīñ par vafā rahe na rahe
ġhazal sunā.ūñ to hasrat se sun liyā kiijo
ki kal talak tirā naġhma-sarā rahe na rahe
ham ek baar tujhe ḳhush-libās dekheñge
phir us ke baa'd badan par 'abā rahe na rahe
mujhe yuuñ vā'da-e-fardā pe Tālne vaale
kise ḳhabar hai tū tab tak ḳhudā rahe na rahe
abhī to saath chalo dasht-e-rā.egāñ meñ mire
phir is zamīñ pe mirā naqsh-e-pā rahe na rahe
wufur-e-shauq ka ye silsila rahe na rahe
ziyaada der zamin par wafa rahe na rahe
ghazal sunaun to hasrat se sun liya kijo
ki kal talak tera naghma-sara rahe na rahe
hum ek bar tujhe KHush-libas dekhenge
phir us ke ba'd badan par 'aba rahe na rahe
mujhe yun wa'da-e-farda pe Talne wale
kise KHabar hai tu tab tak KHuda rahe na rahe
abhi to sath chalo dasht-e-raegan mein mere
phir is zamin pe mera naqsh-e-pa rahe na rahe
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
