kis shai pe yahan waqt ka saya nahin hota

kis shai pe yahāñ vaqt kā saaya nahīñ hotā

ik ḳhvāb-e-mohabbat hai ki būḌhā nahīñ hotā

vo vaqt bhī aatā hai jab āñkhoñ meñ hamārī

phirtī haiñ vo shakleñ jinheñ dekhā nahīñ hotā

bārish vo barastī hai ki bhar jaate haiñ jal-thal

dekho to kahīñ abr kā TukḌā nahīñ hotā

ghir jaatā hai dil dard kī har band galī meñ

chāho ki nikal jaa.eñ to rasta nahīñ hotā

yādoñ pe bhī jam jaatī hai jab gard-e-zamāna

miltā hai vo paiġhām ki pahuñchā nahīñ hotā

tanhā.ī meñ karnī to hai ik baat kisī se

lekin vo kisī vaqt akelā nahīñ hotā

kyā us se gila kījiye barbādī-e-dil kā

ham se bhī to iz.hār-e-tamannā nahīñ hotā

kis shai pe yahan waqt ka saya nahin hota

ek KHwab-e-mohabbat hai ki buDha nahin hota

wo waqt bhi aata hai jab aankhon mein hamari

phirti hain wo shaklen jinhen dekha nahin hota

barish wo barasti hai ki bhar jate hain jal-thal

dekho to kahin abr ka TukDa nahin hota

ghir jata hai dil dard ki har band gali mein

chaho ki nikal jaen to rasta nahin hota

yaadon pe bhi jam jati hai jab gard-e-zamana

milta hai wo paigham ki pahuncha nahin hota

tanhai mein karni to hai ek baat kisi se

lekin wo kisi waqt akela nahin hota

kya us se gila kijiye barbaadi-e-dil ka

hum se bhi to izhaar-e-tamanna nahin hota