ek tamasha ki umr-bhar hoga
ik tamāsha ki 'umr-bhar hogā
phir kahīñ qissa muḳhtasar hogā
ye jo qatra bahā hai āñkhoñ se
dekhnā hai ki kab guhar hogā
ruuh apnī jagah ko pahuñchegī
jaane vo kaun sā pahar hogā
kis ko mā'lūm thā ki us ke huzūr
nāla-e-dil bhī be-asar hogā
jis taraf dekh le uThā ke nazar
shahr vo shahr fitna-gar hogā
jaane kis samt dafn hogā ġharīb
shahr-e-dil se jo dar-ba-dar hogā
ek tamasha ki 'umr-bhar hoga
phir kahin qissa muKHtasar hoga
ye jo qatra baha hai aankhon se
dekhna hai ki kab guhar hoga
ruh apni jagah ko pahunchegi
jaane wo kaun sa pahar hoga
kis ko ma'lum tha ki us ke huzur
nala-e-dil bhi be-asar hoga
jis taraf dekh le uTha ke nazar
shahr wo shahr fitna-gar hoga
jaane kis samt dafn hoga gharib
shahr-e-dil se jo dar-ba-dar hoga
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
