gae hain waqt ke hathon kahan kahan ke charagh

ga.e haiñ vaqt ke hāthoñ kahāñ kahāñ ke charāġh

jo kal zamīn ke the ab haiñ āsmāñ ke charāġh

safīnā ġharq huā kaañp uThe nishāñ ke charāġh

bujhā ke rakh diye maujoñ ne bādbāñ ke charāġh

samajh sake na tilism-e-hayāt kā andher

palak jhapakte hī gul ho ga.e jahāñ ke charāġh

na-jāne kis liye ḳhūñ-rez razm-gāh meñ vo

jalā jalā ke bujhāte haiñ imtihāñ ke charāġh

nasīm-e-shauq kī raftār-e-hashr-ḳhez na pūchh

laraz rahe haiñ nigāhoñ meñ āsmāñ ke charāġh

kuchh aur tez chalā qāfila javānī kā

vo duur se nazar aate haiñ kārvāñ ke charāġh

'munīr' thūthnī jin kī na choñch sīdhī hai

vo be-zabāñ bhī jalāte haiñ ab zabāñ ke charāġh

gae hain waqt ke hathon kahan kahan ke charagh

jo kal zamin ke the ab hain aasman ke charagh

safina gharq hua kanp uThe nishan ke charagh

bujha ke rakh diye maujon ne baadban ke charagh

samajh sake na tilism-e-hayat ka andher

palak jhapakte hi gul ho gae jahan ke charagh

na-jaane kis liye KHun-rez razm-gah mein wo

jala jala ke bujhate hain imtihan ke charagh

nasim-e-shauq ki raftar-e-hashr-KHez na puchh

laraz rahe hain nigahon mein aasman ke charagh

kuchh aur tez chala qafila jawani ka

wo dur se nazar aate hain karwan ke charagh

'munir' thuthni jin ki na chonch sidhi hai

wo be-zaban bhi jalate hain ab zaban ke charagh