azal ke bichhDe hue phir se aa mile hum tum
azal ke bichhḌe hue phir se aa mile ham tum
kise batā.eñ ki ab tak kahāñ rahe ham tum
jahāñ pe ham the vahāñ barf kā samundar thā
kahāñ kī aag thī vo jis meñ jal gaye ham tum
ye mauj-e-tāza nafas kis taraf se aa.ī thī
ki nīm-jāñ the magar phir se jī uThe ham tum
mohabbateñ huiiñ āzād qaid-e-mausam se
ḳhizāñ kī aag ko gulnār kar gaye ham tum
ye kyā maqām hai āḳhir ki hijr hai na visāl
mile haiñ aise ki jaise nahīñ mile ham tum
azal ke bichhDe hue phir se aa mile hum tum
kise bataen ki ab tak kahan rahe hum tum
jahan pe hum the wahan barf ka samundar tha
kahan ki aag thi wo jis mein jal gaye hum tum
ye mauj-e-taza nafas kis taraf se aai thi
ki nim-jaan the magar phir se ji uThe hum tum
mohabbaten huin aazad qaid-e-mausam se
KHizan ki aag ko gulnar kar gaye hum tum
ye kya maqam hai aaKHir ki hijr hai na visal
mile hain aise ki jaise nahin mile hum tum
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
