yun nahin hai ki nae Dhab se sanwarna hai mujhe

yuuñ nahīñ hai ki na.e Dhab se sañvarnā hai mujhe

Dūbte Dūbte ik dam se ubharnā hai mujhe

phir kisī aur kī āñkhoñ meñ haiñ mere aañsū

phir nadāmat ke añdheroñ se guzarnā hai mujhe

ek ik rang meñ lahrā.e to apnā āñchal

aur āñchal ke kināroñ se nikharnā hai mujhe

ye nahīñ mujh ko ḳhabar kaun sā hai vo saaya

itnā mā'lūm hai ik saa.e se Darnā hai mujhe

kaaf ik harf hai taḳhlīq kī buniyādoñ meñ

jaane kis harf kī āvāz se marnā hai mujhe

maiñ to be-vaqt kā Thahrā huā ik aañsū huuñ

terī palkoñ kī nazākat se utarnā hai mujhe

mere siine meñ makīñ hai na makāñ hai 'bāsit'

ye ḳhalā vaqt kī āvāz se bharnā hai mujhe

yun nahin hai ki nae Dhab se sanwarna hai mujhe

Dubte Dubte ek dam se ubharna hai mujhe

phir kisi aur ki aankhon mein hain mere aansu

phir nadamat ke andheron se guzarna hai mujhe

ek ek rang mein lahrae to apna aanchal

aur aanchal ke kinaron se nikharna hai mujhe

ye nahin mujh ko KHabar kaun sa hai wo saya

itna ma'lum hai ek sae se Darna hai mujhe

kaf ek harf hai taKHliq ki buniyaadon mein

jaane kis harf ki aawaz se marna hai mujhe

main to be-waqt ka Thahra hua ek aansu hun

teri palkon ki nazakat se utarna hai mujhe

mere sine mein makin hai na makan hai 'basit'

ye KHala waqt ki aawaz se bharna hai mujhe