sara zamana apni pareshaniyon mein hai

saarā zamāna apnī pareshāniyoñ meñ hai

āzād jo bhī hai tire zindāniyoñ meñ hai

kuchh bhī ho rāste kī thakan bhūltī nahīñ

dil justujū meñ hai ki pashemāniyoñ meñ hai

insān pā-burīda haiñ sar-sabz haiñ daraḳht

shāyad ki zindagī hī tan-āsāniyoñ meñ hai

apne hī dil meñ vasl kī lazzat talāsh kar

jo lahr kho ga.ī hai inhīñ pāniyoñ meñ hai

lahrā rahī hai ret kaf-e-āb kī tarah

dariyā ke saath dasht bhī jaulāniyoñ meñ hai

āñkhoñ meñ ashk aa.e ki sailāb aa gayā

saarī ḳhudā.ī der se tuġhyāniyoñ meñ hai

uTThī thī ḳhaak se jo sadā ḳhaak ho ga.ī

lekin sukūt-e-shab abhī hairāniyoñ meñ hai

maqdūr bhar ye shahr to ābād ho chuke

imkān jis qadar bhī hai vīrāniyoñ meñ hai

kyā ḳhatm ho safar ki kaThin hai ye rāsta

aur qāfila bhī be-sar-o-sāmāniyoñ meñ hai

ye dekhtā nahīñ ki navā talḳh ho ga.ī

apnī taraf se dil guhar-afshāniyoñ meñ hai

sara zamana apni pareshaniyon mein hai

aazad jo bhi hai tere zindaniyon mein hai

kuchh bhi ho raste ki thakan bhulti nahin

dil justuju mein hai ki pashemaniyon mein hai

insan pa-burida hain sar-sabz hain daraKHt

shayad ki zindagi hi tan-asaniyon mein hai

apne hi dil mein wasl ki lazzat talash kar

jo lahr kho gai hai inhin paniyon mein hai

lahra rahi hai ret kaf-e-ab ki tarah

dariya ke sath dasht bhi jaulaniyon mein hai

aankhon mein ashk aae ki sailab aa gaya

sari KHudai der se tughyaniyon mein hai

uTThi thi KHak se jo sada KHak ho gai

lekin sukut-e-shab abhi hairaniyon mein hai

maqdur bhar ye shahr to aabaad ho chuke

imkan jis qadar bhi hai viraniyon mein hai

kya KHatm ho safar ki kaThin hai ye rasta

aur qafila bhi be-sar-o-samaniyon mein hai

ye dekhta nahin ki nawa talKH ho gai

apni taraf se dil guhar-afshaniyon mein hai